黑頭抱恙了

尋日開始發現大王不停o係砂盆出出入入,

屙得少少尿尿, 都知奶野喇...

雖然佢跑得跳得食得屙得, 但呢家野唔好拖,

今日即刻帶佢睇大夫,

驗完尿尿, ph值竟然去到8 (正常貓隻應該只有6-6.5),

有少量好似砂咁細o既結晶, 但未到結石階段, 未有阻塞。

ph值高(太鹼) 既原因可能係食物問題 (mg or phosphorus過高),

亦可以係細菌感染, 又可能係免疫系統/代謝問題,

check左食開隻糧, mg都只係0.08%, 唔關事丫,

咁即係後兩者?

而家大王要食一個月s/d糧, 一個月後驗尿睇情況,

再之後一個月轉番普通糧, 再驗多次睇下ph有冇升番高..

冇升高就謝天謝地, 阿彌陀佛,

証明只係細菌感染, 唔駛打長久戰, 打贏d死人菌就冇樹啦...

touchwood真係升番高既話, 就係免疫系統出問題,

雖然唔影響佢日常生活, 但可憐一世要食s/d控制,

連最愛的零食都戒了。

不過黑頭大王好叻仔, 佢一定冇事, 唔駛打長仗既!!