1/22 貓派對

1月22日 - 係阿扁既第二次聚會, 當日有成12隻貓貓出席, 就等朕介紹一下啦~~



第一位當然係本王啦, 大家對朕都應該相當了解, 平時朕係唔鍾意俾貓奴抱抱既, 但當日實在太多靚女, 梗係要扮下乖乖啦, 點知ｄ靚女們中晒計, 個個爭住向朕投懷送抱, 仲有心口訓添呀!!!! 妙極!!

第二位係多多, 女仔黎架! 初初都好驚大家, 後尾玩玩下又幾過癮, 表情多多 (真係貓如其名) 又八卦!!

遲到既oscar, 黑到你睇佢唔到!!

春麗drop drop, 有憂怨既眼神, d毛仲好靚架!

佢係kulo, 好好好怕醜! 好難先影到佢一張相呢!


呢個小弟弟叫fluffy, 好大隻眼好靘仔呢~ 有前途!!

不嬲都認為"型英帥靚正"呢五個字只適用於朕身上......直至遇到ben ben先知道咩叫"一山還有一山高"...















豬油包係一個濟世為懷既大夫, 亦係一個好怕醜既大夫。

大頭煲煲果然唔係浪得虛名, 加上梁朝偉般既憂鬱眼神, d女仲唔俾你溝晒咩...












妹妹係一個好乖好斯文既靚女, 朕都忍唔住要同佢影番張合照。











拖肥係當日PR, 周圍走冇時停!!




冬冬 - 14歲高齡仲可以咁靚, 係咪提煉左朕夢寐以求既長生不老仙丹呢?!

呢位阿伯竟敢眾目睽睽下long隻香港腳上本王既羅柚上, 仲要望晒鏡頭, 驚死你影佢唔到!!

當大頭煲煲遇上八卦多多。

排排坐, 食粉果。