從未試過咁靚仔！！

唔好意思，朕因為最近忙於政事，冇時間update日誌~

星期日, 發生左一件不可思議o既事....朕於兩小時內突然靚仔....

話說， 當日下午五時正， 睡夢正濃o既朕聽到貓奴才大叫: 「皇上！ 係時候要沐浴更衣喇！」不消一會，朕發覺自己已身在浴缸。貓奴們放左五枝不同顏色的液體在朕身旁，朕心想: 「大事不妙！平時得兩三枝架咋喎！」正心感疑惑之際，朕感覺龍體有一pat 野撻住，朕好清楚見個罐寫住"GOOP"...喂！GOOP唔係車房用架咩？！貓奴不停咁搓．．原來又幾舒服架喎！
五分鐘後，貓奴把朕的八月十五放在水中．．．．噢賣桔！！係朕最怕o既水，你地一陣就知死！之後朕好驚，佢地不停將果幾枝野倒黎倒去，又淋在朕身上，隱約見到仲有枝洗潔精．．你地好野，朕要誅你地九族！！之後已完全唔記得自己點俾佢地魚肉法，朕苦苦哀求都不得要領。
個幾鐘後，貓奴筋疲力竭地將條大毛巾蒙住朕，仲將朕打入天牢！！一部大風機把朕吞噬！！朕於強大噪音及驚慌下，不得不屈服．．．．正想像奴才要如何處死朕之際，奇妙的事情發生了．．貓奴把朕從天牢中放逐出來．．咿？！咁香o既？！聞下聞下，原來o係自己龍體上發出黎架！再望望鏡中o既自己．．嘩！駛唔駛咁俊俏呀！應白則白，應黑則黑，ｄ毛又軟滑左又鬆厚左．．．．朕而家靚仔左，連自信心都返番黎．．．好！朕就饒你地一命啦?
想睇下朕而家有幾靚仔嘛？Sorry...請等10月9日會展舉行的貓展啦．．到時仲有好多波斯國，英國，美國，挪威等o既貓貓參加呢個選美活動架！
而家睇住朕沐浴前睡夢正濃時俾貓奴偷拍o既相先啦！?